Elektron, ya’ni raqamli ATSlar ikki abonent o’rtasida amalga oshiriladigan so’zlashuvlardan tashqari qo’shimcha xizmat turlari (QXT)ni ko’rsatish imkoniyatiga ega. Mazkur xizmatlar abonentlarga yangi aloqa imkoniyatlarini ochib beradi.

QXT ko’rsatish tartibi ATSning turiga qarab aniqlanadi. Ulardan foydalanish uchun buyurtma berish hamda to’lovi xususida maslahatlar olish uchun telefon stantsiyasiga murojaat qilishingiz lozim.

Raqamli telefon stantsiyalarda qo’yidagi xizmat turlarini ko’rsatiladi:

• Qisqa raqam terish;
• Band abonentni chaqirish;
• Yangi chaqiruv tushganligi haqida xabar berish (chaqiruvni kutish);
• Raqam termasdan bog’lanish;
• Buyurtma bo’yicha abonentni chaqirish (qo’ng’iroq, eslatma);
• Konferentsaloqa (uch abonent o’rtasida);
• Konferentsaloqa (ko’p abonentlar o’rtasida);
• Parol orqali shaharlararo va xalqaro telefon aloqasidan foydalanish;
• Kiruvchi aloqani vaqtinchalik ta’qiqlash;
• Kirish qo’ng’iroqlarini boshqa raqamga yo’naltirish;
• Kirish qo’ng’iroqlarini avtoinformator yoki buyruqlar byurosiga o’tkazish;
• So’zlashuv vaqtida ma’lumotlarni to’plash;
• Raqamlarni guruhlash va shu guruhga tegishli bo’lgan raqamga kirish qo’ng’iroqlarini yo’naltirish (ATSga tegishli);
• Abonentning murojaatiga binoan chaqirayotgan abonent telefon raqamini aniqlash;
• Kiruvchi va chiquvchi aloqani vaqtinchalik ta’qiqlash;
• Chaqirilayotgan abonent band bo’lganda, kirish qo’ng’iroqlarini kotiba yoki boshqa raqamga o’tkazish;
• Raqam termasdan qayta qo’ng’iroq qilish.